Konvewsyon ! Non misyé !

Nèg an té ,

Nèg an yé,

Jiskatan an finn’

épi sa.

Kréyol, Fwansé, éropéyen !

Pon yonn misyé.

Anba latè sé tibèt.

Konba dèyè poko mannyé.

Sann a chabon ka sèvi,

Pou woté kras

A anba dra

Ki ba-y plézi,

Menné soufwans

Pou wouvè zyé zanfan.

Nèg an té ,

Nèg an yé,

Jiskatan an finn

épi sa.

Kréyol, Fwansé, éropéyen !

Pon yonn misyé.

Siklonn ké woulé mwen.

Difé a kò an mwen

Ké chofé kè an mwen,

On'òt nonm ké pousé.

An ka woulé, an ka woulé, an ka woulé,

Mwen menm, bwa wouvè !

Syèl !

Tann ! ! !

Nèg an té ,

Nèg an yé,

Jiskatan an finn’

épi sa.

Kréyol, Fwansé, éropéyen !

Pon yonn misyé.

Rémon GAMA

19.02.1998

-------

Conversion ! Non !

Nègre, je fus,

Nègre je reste,

Jusqu’à me consumer.

Ni Créole, ni Français, ni Européen,

Je ne suis.

Mes cendres se dissoudront dans l’univers

Que je leur engendrerai,

à ma mort.

De l’aube nouvelle,

Fleurira sur le terreau

De mes souffrances vaincues,

L’être que j’aurai construit.

Nègre, je fus,

Nègre je reste,

Jusqu’à me consumer.

Ni Créole, ni Français, ni Européen,

Je ne suis.

Des turbulences du vent,

Des feux ardents de mon étoile,

Mon nid se réchauffera

Pour faire renaître la vie.

Je goûterai alors de sa saveur immortelle.

Nègre, je fus,

Nègre je reste,

Jusqu’à me consumer.

Ni Créole, ni Français, ni Européen,

Je ne suis.

 *

Raymond GAMA

19.02.1998

© copyright, Lespwisavann, tous droits réservés, 2001 - 2008